10 kitsfeite oor Suid-Afrika

Geskryf deur: Danielle Kleyn

Hoeveel van hierdie feite het jy geweet?

1. Die Kasteel van Goeie Hoop in Kaapstad is die oudste gebou in Suid-Afrika en is tussen 1666 en 1679 gebou.
2. Die Gautengse provinsie is Suid-Afrika se kleinste provinsie, maar is verantwoordelik vir 34% van Suid-Afrika se BBP.
3. JRR Tolkien, die skrywer van die bekende Lord of the Rings-boeke, is in Bloemfontein gebore.
4. Die Bloukransbrug in die Wes-Kaap (216 m)  spog met die wêreld se hoogste kommersiële reksprongplek.
5. Suid-Afrika het 10 UNESCO-wêrelderfenisgebiede, naamlik die iSimangaliso-vleilandpark, Robbeneiland, die Wieg van die Mensdom, die uKhahlamba-Drakensbergpark, Mapungubwe, die Vredefortkoepel, die Richtersveld-kulturele landskap, die Khomani-kulturele landskap, die Maloti-Drakensbergpark en die Kaapse Fynbosstreek. 
6. Tafelberg is een van die oudste berge ter wêreld.
7. Die 850 km lange pad deur die Kaapse Wynlande is die wêreld se grootste wynroete.
8. Die wêreld se grootste diamant is in die Premiermyn gevind en het “Cullinan” geheet. Die diamant is vernoem na die eienaar van dié myn.
9. Sutherland in die Karoo huisves een van die wêreld se drie grootste teleskope.
10. Daar word gesê dat Johannesburg, met sy ongeveer ses miljoen bome, die wêreld se grootste mensgemaakte woud is.